سیلاب متاثرہ علاقوں میں اگست کے بجلی بل معاف،جمع شدہ رقوم صارفین کو واپس کی جائیں گی، اویس لغاری

اسلام آباد: وفاقی وزیر برائے پاور ڈویژن سردار اویس احمد خان لغاری نے کہا ہے کہ سیلاب متاثرہ علاقوں میں بجلی کے بل معاف کرنے کے وزیرِاعظم شہباز شریف کے بروقت اور عوام دوست فیصلے پر وہ ان کے شکر گزار ہیں۔

اپنے بیان میں اویس لغاری نے کہا کہ سیلاب زدہ علاقوں میں اگست کے بجلی بل معاف کر دیے گئے ہیں جبکہ پہلے سے جمع شدہ رقوم صارفین کو واپس کی جائیں گی۔

انہوں نے کہاکہ پاور ڈویژن اس فیصلے پر فوری عملدرآمد کو یقینی بنائے گا تاکہ متاثرین کو جلد از جلد ریلیف فراہم کیا جا سکے۔