اسلام آباد:وزیراعظم محمد شہباز شریف نے کیڈٹ کالج وانا میں فتنہ الخوارج کے دہشت گردوں کے حملے کی شدید مذمت کی ہے۔
وزیراعظم نے فتنہ الخوارج کے دو حملہ آور دہشت گردوں کو ہلاک کرنے پر سیکیورٹی فورسز کو خراج تحسین کیااورکہاکہ بزدل دشمن نے ایک بار پھر تعلیمی ادارے کو نشانہ بنانے کی کوشش کی، جسے ناکام بنا دیا گیا۔پوری قوم سیکیورٹی فورسز کو سلام پیش کرتی ہے۔
انہوں نے کہاکہ ملک سے ہر قسم کی دہشت گردی کے مکمل خاتمے کیلئے پر عزم ہیں۔ملکی حفاظت کی خاطر سیکیورٹی فورسز سیسہ پلائی ہوئی دیوارکی طرح کھڑی ہیں۔ان کے غیر متزلزل عزمِ استحکام سے دہشت گردوں کے ناپاک عزائم ناکام بنائیں گے۔
