لاہور:پی ایس ایل سیزن 9 کے دوسرے میچ میں پشاور زلمی نے کوئٹہ گلیڈی ایٹرز کے خلاف ٹاس جیت کر فیلڈنگ کا فیصلہ کیا ہے۔
قذافی سٹیڈیم لاہور میں کھیلے جا رہے میچ میں پشاور زلمی کی کمان بابر اعظم کے ہاتھوں میں ہے جبکہ کوئٹہ گلیڈی ایٹرز کو ریلے روسو لیڈ کررہے ہیں۔
ٹاس کے موقع پر گفتگو کرتے ہوئے پشاور زلمی کے کپتان بابراعظم کا کہنا تھا کہ گلیڈی ایٹرز کو 160 رنز تک محدود کرنے کی کوشش کریں گے، دوسری بیٹنگ میں موسم کی صورتحال سے فائدہ اٹھائیں گے۔
کوئٹہ گلیڈی ایٹرز کے کپتان روسو نے کہا کہ ہم ٹیم میں ہائی پرفارمنس ماحول بنانا چاہتے ہیں۔
پی ایس ایل میں آج دو میچز کھیلے جائیں گے، دوسرا میچ ملتان سلطانز اور کراچی کنگز کی ٹیموں کے درمیان ملتان کرکٹ سٹیڈیم میں ہوگا۔
