کراچی: ایچ بی ایل پی ایس ایل کے 9 ویں سیزن کے پلے آف مرحلے کا آج سے شہر قائد کراچی میں آغاز ہو گا۔
ایچ بی ایل پی ایس ایل کے سیزن 9 کے پلے آف مرحلے میں پشاور زلمی، ملتان سلطانز، کوئٹہ گلیڈی ایٹرز اور اسلام آباد یونائیٹڈ کی ٹیموں نے جگہ بنا لی ہے، ٹورنامنٹ کا پہلا کوالیفائر آج ملتان سلطانز اور پشاور زلمی کے درمیان کراچی میں کھیلا جائے گا۔
ملتان سلطانز 10 میچز کھیل کر 7 میں کامیاب ہوئی اور 14 پوائنٹس کیساتھ ٹاپ پر ہے، پشاور زلمی نے 6 میچز جیتے اور ایک بارش سے متاثر ہونے پر 13 پوائنٹس حاصل کیے، اسلام ا?باد یونائیٹڈ اور کوئٹہ گلیڈی ایٹرز 11، 11 پوائنٹس کے ساتھ بالترتیب تیسرے اور چوتھے نمبر پر ہیں۔
ملتان سلطانز اور پشاور زلمی کے درمیان ہونے والے پہلے پلے آف مرحلے کے مقابلے میں جیتنے والی ٹیم فائنل میں پہنچ جائے گی جبکہ ہارنے والی ٹیم کو کل اسلام آباد یونائیٹڈ اور کوئٹہ کے درمیان ہونے والے میچ کی فاتح ٹیم کے ساتھ کھیلنے کا ایک اور موقع ملے گا۔
