پی ٹی آئی والے پہلے بغیر محنت آگئے تھے، اب محنت کریں،آصف زرداری

نواب شاہ:سابق صدر و حلقہ این اے 207 کے پیپلز پارٹی کے امیدوار آصف علی زرداری نے کہا ہے کہ پی ٹی آئی والے پہلے بغیر محنت آگئے تھے، اب محنت کریں۔

ریٹرننگ آفس کے سامنے گفتگو کرتے ہوئے کہا کہ آصف علی زرداری نے کہا کہ چیف جسٹس نے کہہ دیا ہے انتخابات ضرور ہوں گے، پیپلز پارٹی کا مستقبل روشن ہے، انشاء اللہ ہم حکومت بنائیں گے۔

اس سے قبل سابق صدر آصف علی زرداری خصوصی طیارے کے ذریعے نواب شاہ ایئرپورٹ پہنچے، انہوں نے حلقہ این اے 207 سے کاغذات نامزدگی جمع کرائے ہیں۔