اسلام آباد:وفاقی وزیرداخلہ محسن نقوی نے کہا ہے کہ قومی اسمبلی اور سینیٹ کے آج منظور شدہ قراردادیں ہمارے قومی اتحاد اور پاکستان کی سالمیت کے لیے غیر متزلزل عزم کی عکاس ہیں۔
سماجی رابطے کے پلیٹ فارم”ایکس” پر اپنے ایک بیان میں وزیرداخلہ محسن نقوی نے دونوں ایوانوں کے فیصلے کو سراہا جن میں سری لنکا کی کرکٹ ٹیم کی پاکستان میں شیڈول دورے کو جاری رکھنے پر خراجِ تحسین پیش کیا گیا۔
محسن نقوی نے کہا کہ ہم استحکام قائم رکھنے، شراکت داریوں کو مضبوط کرنے اور اپنے عوام کے اجتماعی مفادات کو فروغ دینے کے عزم پر قائم ہیں۔
