کرک میں گیس سے بھرے پلاسٹک بیگز میں آگ لگنے سے 8 بچے جھلس گئے

کرک: خیبر پختونخوا کے ضلع کرک میں پلاسٹک کے بڑے تھیلوں میں موجود قدرتی گیس میں آگ لگنے سے 8 بچے جھلس کر زخمی ہوگئے۔بعض بچوں کی حالت تشویش ناک ہے جنہیں کوہاٹ ہسپتال لے جایا گیا ہے۔

کرک کی تحصیل بانڈہ داؤ شاہ گاؤں عیسک خماری میں پلاسٹک بیگز میں گیس بھرنے کے دوران آگ بھڑکنے کا واقعہ پیش آیا، جس میں 8 بچے زخمی ہوگئے۔

واقعے کی اطلاع ملتے ہی کرک 1122 کے اہلکار موقع پر پہنچے۔ زخمی بچوں کو تحصیل پیڈ کوارٹر اسپتال منتقل کیا گیا۔