متحدہ عرب امارات نے بھی پاکستان کو ایک ارب ڈالرز منتقل کردئیے

دبئی: متحدہ عرب امارات نے پاکستان کو ایک ارب ڈالرز منتقل کردیے،وزیرخزانہ اسحاق ڈار نے شکریہ ادا کیاہے۔

وزیرخزانہ اسحاق ڈار نے ٹوئٹر پر بیان میں تصدیق کی ہے کہ متحدہ عرب امارات (یو اے ای) نے پاکستان کو ایک ارب ڈالرز منتقل کردیے۔

اسحاق ڈار نے اس حوالے سے پریس کانفرنس بھی کی ہے اور بتایا ہے کہ یو اے ای نے اسٹیٹ بینک کے اکاؤنٹ میں رقم جمع کرادی ہے اور ان کی جانب سے ایک ارب ڈالر کی تصدیق کی گئی ہے۔

انہوں نے کہا کہ وزیراعظم شہباز شریف، آرمی چیف جنرل عاصم منیر اور پاکستان کے عوام کی جانب سے یو اے ای کی قیادت کا مشکور ہوں۔

اسحاق ڈار نے کہا کہ سعودی عرب اور یو اے ای سے 3 ارب ڈالرز آچکے ہیں، اس سے ہمارے اسٹیٹ بینک کے ذخائر میں بہتری آئے گی۔