سعدیہ دانش بلا مقابلہ ڈپٹی اسپیکر گلگت بلتستان منتخب

گلگت: حکومتی اتحاد اور پیپلز پارٹی کی امیدوار سعدیہ دانش بلا مقابلہ ڈپٹی اسپیکر گلگت بلتستان منتخب ہوگئیں، سعدیہ دانش جی بی اسمبلی کی پہلی خاتون ڈپٹی اسپیکر ہیں۔

ڈپٹی کمشنر کے انتخاب کیلئے گلگت بلتستان اسمبلی کا اجلاس اسپیکر نذیر احمد ایڈووکیٹ کی صدارت میں ہوا۔

ڈپٹی اسپیکر کیلئے حکومتی اتحاد اور پیپلز پارٹی کی امیدوار سعدیہ دانش کے علاوہ کسی نے کاغذات جمع نہیں کروائے جس پر اسپیکر نے سعدیہ دانش کے ڈپٹی اسپیکر بننے کا اعلان کردیا۔

اسپیکر نے نومنتخب ڈپٹی اسپیکر سعدیہ دانش سے ان کے عہدے کا حلف لیا۔

سعدیہ دانش جی بی اسمبلی کی پہلی خاتون ڈپٹی اسپیکر جبکہ مجموعی طور پر ساتویں ڈپٹی اسپیکر ہیں۔ نومنتخب ڈپٹی اسپیکر سعدیہ دانش کا کہنا ہے کہ اسمبلی کے تمام ارکان ان کیلئے قابل احترام ہیں، سب کو ساتھ لے کر چلیں گی۔