چیئرمین تحریک انصاف کی گرفتاری پر مظاہرے، احتجاج، مختلف شہروں سے متعدد افراد گرفتار

لاہور: پاکستان تحریک انصاف کے چیئرمین کی گرفتاری پر احتجاج کرتے ہوئے کراچی اور لاہور سے 30 افراد کو پولیس نے حراست میں لے لیا۔

ذرائع کے مطابق پولیس نے زمان پارک کے باہر سے 20 افراد کو حراست میں لیا، حراست میں لیے جانے والے افراد کو تھانہ سول لائنز میں منتقل کر دیا گیا۔

زیر حراست افراد چئیرمین پی ٹی آئی کی گرفتاری پر احتجاج کر رہے تھے، پولیس کی نفری تاحال زمان پارک کے باہر موجود ہے۔

ادھر پی ٹی آئی چیئرمین کی گرفتاری کے بعد کراچی پریس کلب کے باہر بھی کارکنان کی جانب سے احتجاج کیا گیا جس کے بعد پریس کلب کے باہر پولیس کی نفری تعینات کردی گئی، لیڈیز پولیس اہلکار بھی پریس کلب کے باہر موجود ہیں، پولیس نے احتجاج کیلئے آنے والے 10 افراد کو حراست میں لے لیا۔