سعودی عرب نے نیزہ بازی کا ورلڈ کپ جیت لیا پاکستان کی دوسری پوزیشن

کیپ ٹاؤن: سعودی عرب نے نیزہ بازی کا ورلڈ کپ جیت لیا ہے، پاکستان نے ایونٹ میں دوسری پوزیشن حاصل کی۔

میڈیا رپورٹ کے مطابق جنوبی افریقہ سے موصولہ اطلاعات کے مطابق نیزہ بازی ورلڈ کپ میں پاکستان نے آخری دن 2 گولڈ میڈلز جیت لیے۔ قومی گھڑ سوار تصور عباس نے انفرادی طور پر گولڈ میڈل جیتا۔

پاکستان نے ٹیم ایونٹ میں بھی پہلی پوزیشن کے ساتھ گولڈ میڈل جیت لیا۔نیزہ بازی ورلڈکپ میں پاکستان نے مجموعی طور پر 5 میڈلز جیتے۔

عالمی کپ میں پاکستان، میزبان جنوبی افریقہ، ناروے، مصر، سعودی عرب، بھارت، اردن، عمان اور یمن کی ٹیموں نے شرکت کی۔ایونٹ میں تیسری پوزیشن بھارت نے حاصل کی ۔