حکومت کا انسانی سمگلنگ کی روک تھام کے لیے بڑا اقدام

اسلام آباد:وزارت داخلہ نے انسانی سمگلنگ کی روک تھام کیلئے نیشنل ایکشن پلان کی منظوری دیدی۔

حکومت کا انسانی سمگلنگ کی روک تھام کے لیے بڑا اقدام ،وزارت داخلہ نے نیشنل ایکشن پلان کی منظوری دیتے ہوئے کہا کہ نیشنل ایکشن پلان کو 2025 تک مکمل کیا جائے گا ، انسانی سمگلنگ ناقابل معافی جرم ہے ،سمگلروں کا ڈیٹا بینک بنے گا۔

وزارت دخلہ نے ایف آئی اے انٹی ہیومن اسمگلنگ کی سفارش پر نیشنل ایکشن پلان کی منظوری دی، پلان کے تحت نیشنل کوآرڈینیشن کمیٹی بنے گی ، پلان کے تحت صوبائی کوآردینیشن کمیٹی اور ضلعی ویجیلنس کمیٹیا بھی بنیں گی۔

پلان کے تحت سمگل ہونے والوں کے خلاف کارروائیاں نہ ہو سکے گی ، سمگلرز کی سزا میں اضافہ کے لئے وزارت قانون کو خط لکھا جائے گا، انٹرنیشنل سمگلرز کے لئے سفارتی طریقوں سے بین الاقوامی مدد لازمی ہو گی ۔

ملک کے اندر انسانی سمگلنگ کے 2500سے زائد مقدمات کی ازسر نو تحقیقات کی جائیں گی، مدعیوں کی صلح کے باوجود انسانی اسمگلنگ نا قابل معافی سزا کے لئے قانون سازی کی جائے گی۔