منی لانڈرنگ کیس،عدالت کا پرویز الہٰی کو پیش کرنے کا حکممنی لانڈرنگ کیس،عدالت کا پرویز الہٰی کو پیش کرنے کا حکم

لاہور: سپیشل کورٹ سینٹرل نے منی لانڈرنگ کیس میں سابق وزیراعلیٰ پنجاب چوہدری پرویز الہٰی کو عدالت پیش کرنے کا حکم دے دیا۔

سابق وزیراعلیٰ پنجاب چوہدری پرویز الہٰی اور ان کے صاحبزادے مونس الہٰی کے خلاف منی لانڈرنگ کیس کی سماعت سپیشل کورٹ سینٹرل میں ہوئی۔

عدالت نے پرویز الہٰی کو 23 اکتوبر کو جیل سے لا کر عدالت میں پیش کرنے کا حکم دیتے ہوئے کہا کہ ڈائریکٹر ایف آئی اے اور متعلقہ جیل کے سپرنٹنڈنٹ پرویز الہٰی کی عدالت پیشی کو یقینی بنائیں۔

دوران سماعت مونس الہیٰ کے وکیل نے مونس الہیٰ کی جانب سے وکالت نامہ پیش کیا جس پر عدالت نے آئندہ سماعت پر مونس الہٰی کو بھی پیش ہونے کا حکم دے دیا۔

عدالت نے قرار دیا کہ فوجداری کارروائی میں ملزم کی ذاتی حیثیت میں پیشی ضروری ہے، مونس الہٰی کے وکلاء آئندہ سماعت پر ان کو عدالت پیش کریں۔