آرمی ایکٹ کی بعض شقیں آئین پاکستان سے متصادم ہیں، سلمان اکرم راجا

اسلام آباد:سینئر قانون دان اور تحریک انصاف کے وکیل سلمان اکرم راجا نے کہا ہے کہ آرمی ایکٹ کی بعض شقیں آئین پاکستان سے متصادم ہیں۔

نجی ٹی وی سے گفتگو میں سلمان اکرم راجا نے کہا کہ عدالت نے کہا آرمی ایکٹ کی شق 2 ڈی 1 اور 2 ڈی 2 کالعدم ہیں، یہ شقیں آئین پاکستان سے متصادم ہیں۔

انہوں نے کہا کہ اس شق کے تحت جو مقدمہ آرمی ایکٹ کے تحت چلا وہ کالعدم تصور ہوگا۔

سینئر قانون دان نے مزید کہا کہ جن سویلین کوملٹری کورٹس نے سزا دی ان کے مقدمات دوبارہ کھلنے چاہئیں۔

سلمان اکرم راجانے کہا کہ ملٹری کورٹس کی سزا کو ختم ہونا چاہیے، اگر الزام ہے تو عام عدالت میں چلنا چاہیے۔