چئیرمین پی ٹی آئی سے نیب کی 2 مختلف ٹیموں کی 7 گھنٹے تک تفتیش

راولپنڈی:190 ملین پاونڈ اسکینڈل میں چئیرمین پی ٹی آئی سے نیب کی 2 مختلف ٹیموں کی 7 گھنٹے کی تفتیش مکمل، تفتیشی ٹیموں نے الگ الگ سوالات پوچھے، طویل ترین سیشن کے بعد دونوں ٹیمیں راولپنڈی اڈیالہ جیل سے روانہ ہوگی۔

چیئرمین پی ٹی آئی سے اڈیالہ جیل میں190 ملین پاؤنڈ سکینڈل کی تفتیش کا سلسلہ جاری ہے۔

جیل ذرائع کے مطابق چئیرمین پی ٹی آئی سے نیب کی دو الگ ٹیموں نے 7 گھنٹے تفتیش کی، نیب ٹیم میں کیس آفیسر آصف منیر،وقار الحسن اور وقاص علیم بھی شامل تھے۔

سابق وزیراعظم سے ہفتہ کی شام بھی نیب کی ٹیم نے تقریبا پونے ساتھ گھنٹے تک تفتیش کی تھی، چیئرمین پی ٹی آئی سے تفتیش کے لئے نیب نے عدالت سے 4 روزہ جسمانی ریمانڈ حاصل کر رکھا ہے۔