چیئرمین پی ٹی آئی سے سردار عبدالقیوم کی ملاقات، انتخابات، سیاسی صورتحال پرتبادلہ خیال

اسلام آباد:تحریک انصاف کے چیئرمین بیرسٹر گوہر خان سے سابق وزیراعظم آزاد کشمیر سردار عبدالقیوم نیازی نے وفد کے ہمراہ ملاقات کی۔

تحریک انصاف آزاد کشمیر کا وفد تحریک انصاف کے مرکزی سیکرٹریٹ پہنچا، آزاد کشمیر کے وفد میں مرکزی رہنما چودھری عبدالحمید پوٹھی سمیت دیگرارکان شامل تھے۔

ملاقات میں تحریک انصاف کے مرکزی سیکرٹری اطلاعات رؤف حسن اور پی ٹی آئی کے چیف الیکشن کمشنر نیاز اللہ نیازی بھی شریک تھے۔

سردارعبدالقیوم نیازی اور وفد کے دیگر شرکاء نے سابق چیئرمین پی ٹی آئی کے نامزد کردہ نومنتخب چیئرمین پر بھرپور اعتماد کا اظہار کیا، ملاقات میں ملکی موجودہ سیاسی صورتحال اور آئندہ عام انتخابات کی تیاریوں پر تفصیلی تبادلہ خیال کیا گیا۔

بانی تحریک انصاف کی جامع اور مؤثر کشمیر پالیسی کی بھی پرزور تائید و حمایت کے عزم کا اعادہ کیا گیا۔