ٹکٹ سے محروم رہ جانیوالے کارکن 9 بجے تک کاغذات نامزدگی واپس لے لیں،اسحاق ڈار

لاہور: پاکستان مسلم لیگ ن کے الیکشن سیل کے چیئرمین سینیٹر اسحاق ڈار نے کہا ہے کہ ٹکٹ سے محروم رہ جانیوالے کارکن 9 بجے تک کاغذات نامزدگی واپس لے لیں۔

چیئرمین الیکشن سیل سینیٹر اسحاق ڈار نے اعلامیہ جاری کر دیا جس میں کہا گیا ہے کہ پارٹی ٹکٹ کے امیدواروں کے انتخابی عمل میں حصہ لینے کے جذبے کو سراہتے ہیں۔

انہوں نے کہا کہ پارٹی کارکنوں کو ہدایت کی جاتی ہے کہ وہ ساتھی جن کو پارٹی ٹکٹ نہیں ملا وہ مہربانی کر کے اپنے کاغذات نامزدگی آج رات 9 بجے تک واپس لے لیں۔

اپنے اعلامیے میں اسحاق ڈار نے کہا کہ ٹکٹ حاصل نہ کر پانے والے تمام کارکنان پارٹی کے نامزد کردہ امیدواروں کی بھرپور حمایت کریں۔