چوتھا ٹی20،نیوزی لینڈ کی پاکستان کے خلاف بیٹنگ جاری

لاہور: پاک نیوزی لینڈ ٹی 20 سیریز کے چوتھے میچ میں نیوزی لینڈ کی بیٹنگ جاری ہے کیوی ٹیم نے ایک وکٹ کے نقصان پر چھ اوورزمیں 61 رنز بنالئے ہیں ۔

قبل ازیں پاک نیوزی لینڈ ٹی 20 سیریز کے چوتھے میچ میں پاکستان نے مہمان ٹیم کیخلاف ٹاس جیت کر پہلی فیلڈنگ کا فیصلہ کیا ہے۔

لاہور کے قذافی سٹیڈیم میں ہونیوالے پاک نیوزی لینڈ ٹی 20 سیریز کے چوتھے میچ میں قومی کرکٹ ٹیم کے کپتان بابر اعظم نے ٹاس جیت کر مہمان ٹیم کو بیٹنگ کی دعوت دے دی۔

اس موقع پر قومی ٹیم کے کپتان بابر اعظم نے کہا کہ ڈیو فیکٹر کی وجہ سے پہلے فیلڈنگ کا فیصلہ کیا، ہماری ٹیم میں چار تبدیلیاں کی گئی ہیں، محمد رضوان اور عرفان خان ان فٹ ہیں۔

بابر اعظم نے بتایا کہ شاہین آفریدی اور نسیم شاہ کو ریسٹ دیا گیا ہے جبکہ محمد عامر ، عماد وسیم ، فخر زمان اور زمان خان کو پلیئنگ الیون میں شامل کیا گیا ہے

خیال رہے کہ پاک نیوزی ٹی20 سیریز 1-1 سے برابر ہے جبکہ سیریز کا پہلا میچ بارش کی نذر ہوگیا تھا۔