ازبک وزیر خارجہ 2 روزہ سرکاری دورے پر پاکستان پہنچ گئے

اسلام آباد: ازبکستان کے وزیر خارجہ بختیار سیدوف 2 روزہ سرکاری دورے پر پاکستان پہنچ گئے ہیں۔

پاکستان پہنچنے وزارت خارجہ کے ڈائریکٹر جنرل وسطی ایشیاء اور ای سی او نے ازبکستان کے وزیر خارجہ بختیار سیدوف کا شاندار استقبال کیا، مہمان وزیر خارجہ 2 روز تک پاکستان میں قیام کریں گے۔

دو روزہ دورے کے دوران ازبکستان کے وزیر خارجہ بختیار سیدوف کی وزیر اعظم شہباز شریف، وزیر خارجہ سمیت اہم رہنماوٴں سے ملاقاتیں ہوں گی۔

علاوہ ازیں دونوں ممالک کے درمیان مختلف معاہدے طے پانے کا بھی امکان ہے۔