عمران خان نیب میں پیش، 190 ملین پاوٴنڈز کی غیر قانونی منتقلی پر جواب طلب

اسلام آباد: پاکستان تحریک انصاف کے چیئرمین وسابق وزیراعظم عمران خان نیب میں پیش ہو گئے جہاں ان سے 190 ملین پاوٴنڈز کی غیر قانونی منتقلی پر جواب طلب کیا گیا ہے۔

سابق وزیراعظم عمران خان 190 ملین پاوٴنڈز کے برطانوی کرائم ایجنسی تحقیقات کیس میں نیب راولپنڈی پہنچے۔

نیب کی جانب سے عمران خان کو آج نیب دفتر میں کمبائنڈ انویسٹی گیشن ٹیم کے سامنے پیش ہونے کی ہدایت کی گئی تھی۔

اس سلسلے میں نیب ٹیم نے عمران خان کو 18 مئی کو طلب کیا تاہم وہ غیر حاضر رہے۔ آج عمران خان کے نیب راولپنڈی پہنچنے پر 19 کروڑ پاوٴنڈز کی غیر قانونی منتقلی سے متعلق 20 سوالوں کے جواب طلب کیے گئے ہیں۔
ذرائع کے مطابق نیب نے آج سابق وزیر اعظم عمران خان کو 190 ملین پاوٴنڈز اسکینڈل کی تحقیقات کے لیے شامل تفتیش ہونے کا نوٹس کہا ہے، تاہم عمران خان کی اہلیہ کو آج پیش ہونے کے لیے نوٹس جاری نہیں ہوا۔

قبل ازیں نیب آفس کے باہر اور اطراف میں سکیورٹی سخت کردی گئی تھی۔