اسلام آباد ہائی کورٹ کی شہزاد اکبر کے بھائی کی بازیابی کے لیے پولیس کو 2 دن کی مہلت

اسلام آباد:اسلام آباد ہائی کورٹ نے سابق وزیر اعظم عمران خان کے سابق مشیر برائے احتساب مرزا شہزاد اکبر کے بھائی مراداکبر کی بازیابی کے لیے پولیس کو 2 دن کی مہلت دیتے ہوئے 2 جون کو عدالت میں پیش کرنے کا حکم دیا ہے ۔

اسلام آباد ہائی کورٹ کے جسٹس محسن اختر کیانی نے سابق وزیر اعظم عمران خان کے سابق مشیر برائے احتساب شہزاد اکبر کے بھائی کی بازیابی درخواست پر سماعت کی۔

درخواست گزار کے وکیل قاسم ودود اور عدالتی حکم پر ڈی آئی جی آپریشنز شہزاد بخاری عدالت میں پیش ہوئے۔ عدالت نے مراد اکبر کی بازیابی کے لیے ڈی آئی جی آپریشنز کو دو دن کی مہلت دے دی۔

عدالت نے کہا آپ کے پاس دو دن کا وقت ہے ، مراد اکبر کو دو جون کو عدالت میں پیش کریں۔