بھارتی پارلیمنٹ کی دیوار پراکھنڈ بھارت کے نقشے نے مودی حکومت کے عزائم آشکار کردئیے

نئی دہلی:بھارت کی پارلیمنٹ کی دیوار پراکھنڈ بھارت کے نقشے نے مودی حکومت کے عزائم واضح کردئیے ہیں۔نیپالی سیاست دانوں کا کہنا ہے کہ بھارتی اقدام غیر ضروری اور نقصان دہ سفارتی مسائل کا سبب بن سکتاہے۔

بھارتی جنتا پارٹی (بی جے پی) کے متعدد ارکان پارلیمنٹ نے ‘اکھنڈبھارت’ کے نام سے آرٹ ورک سوشل میڈیا پر شیئر کیا ہے۔

پارلیمانی امور کے وزیر پرہلاد جوشی نے اپنے ٹوئٹ میں کہا ہے کہ ‘ہمارا عزم واضح ہے ، اکھنڈ بھارت’۔ لوک سبھا رکن منوج کوٹک نیکہا کہ نئی پارلیمنٹ میں ‘اکھنڈ بھارت’ طاقتور، خودانحصار بھارت کی نمائندگی کرتا ہے۔

نیپالی سیاست دانوں نے بھارتی پارلیمنٹ میں ‘اکھنڈ بھارت’ کے نقشے پر تحفظات کا اظہار کیا ہے۔نیپالی سیاست دانوں کا کہنا ہے کہ بھارتی اقدام غیر ضروری اور نقصان دہ سفارتی مسائل کا سبب بن سکتاہے۔

ادھر بھارتی وزارت خارجہ کا کہنا ہے کہ پارلیمنٹ میں بنایا گیا آرٹ ورک اشوک سلطنت کا پھیلاوٴ ظاہر کرتا ہے۔

یاد رہے کہ بھارتی پارلیمنٹ کی نئی عمارت کا افتتاح نریندر مْودی نے 28 مئی کو کیا تھا۔