ایک مثالی شوہر کے پاس مرسڈیز بینز ہونی چاہیے،آمنہ الیاس

لاہور: پاکستان کی مشہور فیشن ماڈل اور اداکارہ آمنہ الیاس نے بتایا ہے کہ ایک مثالی شوہر میں کون کون سی خصوصیات ہونی چاہئیں۔

حال ہی میں اداکارہ آمنہ الیاس نے ایک نجی ٹی وی شو میں شرکت کی جس میں کردار کے حوالے سے گفتگو کرتے ہوئے ان کا کہنا تھا کہ انسان کو سب سے پہلے ایک اچھا انسان ہونا چاہیے۔

اپنے مثالی پارٹنر کے بارے میں آمنہ الیاس نے کہا کہ میرے خیال میں اسے امیر ہونا چاہیے، اس کا تعلق بہت اچھے خاندان سے ہونا چاہیے، اس کے پاس یقیناً بہت زیادہ دولت ہونی چاہیے۔

اداکارہ کا مزید کہنا تھا کہ ان کے نزدیک ایک مثالی شوہر کے پاس مرسڈیز بینز ہونی چاہیے، وہ لمبا اور خوبصورت بھی ہونا چاہیے، اگر وہ بریڈ پٹ جیسا بھی ہو تو انہیں کوئی اعتراض نہیں۔