میرا دل یہ پکارے آ جا کے بعد ایک اور پاکستانی لڑکی کی ڈانس ویڈیو وائرل

لاہور:’میرا دل یہ پکارے آ جا‘ پر رقص کی چند سیکنڈ کی ویڈیو کے ذریعے راتوں رات شہرت حاصل کرنے والی عائشہ مانو کے بعد اب ایک اور پاکستانی لڑکی کی ڈانس ویڈیو نے اسے آن کی آن میں شہرت کی بلندیوں پر پہنچا دیا ہے۔

اس نئی وائرل ویڈیو میں موجود لڑکی کی شناخت تاحال سامنے نہیں آ سکی تاہم اس کے ڈانس کو بھی انٹرنیٹ صارفین کی طرف سے بے حد سراہا جا رہا ہے۔

اس مختصر ویڈیو دورانیے کی ویڈیو میں لڑکی ایک معروف بھارتی گیت پر ڈانس کر رہی ہوتی ہے۔ ویڈیو کے پس منظر سے اندازہ ہوتا ہے کہ یہ کسی گھر میں منعقد ہونے والی شادی کی تقریب ہے۔

یہ ویڈیو مختلف سوشل میڈیا پلیٹ فارمز پر پوسٹ کی جا رہی ہے جہاں کمنٹس میں صارفین لڑکی کا نام اور اس کے سوشل میڈیا اکاﺅنٹس کے بارے میں دریافت کر رہے ہیں۔