سی پیک معاشی خوشحالی، امن اور استحکام کے لیے گیم چینجر ثابت ہوگا،وزیراعظم

اسلام آباد: وزیراعظم شہباز شریف نے کہا ہے کہ سی پیک کے تحت خصوصی تجارتی زونزقائم کیے جارہے ہیں۔ وسطی ایشیا میں پاکستان کوایک منفردجغرافیائی حیثیت حاصل ہے سی پیک معاشی خوشحالی، امن اور استحکام کے لیے گیم چینجر ثابت ہوگا۔

وزیراعظم شہباز شریف نے شنگھائی تعاون تنظیم کی سربراہان کونسل کے 23 ویں اجلاس کے ورچوئل سیشن سے خطاب میں کہا کہ افغانستان کا استحکام خطے کے امن کے لیے اہم ہے۔

وزیراعظم نے کہا کہ ریاستی دہشتگردی سمیت ہر قسم کی دہشتگردی کی مذمت کی جانی چاہیے۔ اسی طرح مذہبی اقلیتوں کے ساتھ برا سلوک نہیں ہونا چاہیے۔

انہوں نے کہ یہ اجلاس ایسے وقت میں ہورہا ہے جب دنیا کومعاشی اورسلامتی کے چیلنجزکاسامناہے۔ رابطے جدیدعالمی معیشت میں بنیادی اہمیت اختیارکرگئے ہیں۔ رابطوں کے فروغ کے ذریعے معاشی استحکام حاصل کیا جا سکتا ہے۔

وزیراعظم نے کہاکہ سی پیک معاشی خوشحالی،امن اوراستحکام میں گیم چینجرثابت ہوگا۔ سی پیک کے تحت خصوصی تجارتی زونزقائم کیے جارہے ہیں۔ وسطی ایشیا میں پاکستان کوایک منفردجغرافیائی حیثیت حاصل ہے۔