اعجاز الحق کا نواز شریف، شہباز شریف اور آصف زرداری کو سیاست سے ریٹائر کرنے کا مطالبہ

لاہور:مسلم لیگ ضیا کے سربراہ اعجاز الحق نے نواز شریف، شہباز شریف اور آصف زرداری کو سیاست سے ریٹائر کرنے کا مطالبہ کر تے ہوئے کہا ہے کہ تینوں کو سیاست سے ریٹائر کر دینا چاہیے۔

لاہور میں پریس کانفرنس کرتے ہوئے اعجازالحق نے کہا کہ وہ یہ بات نواز شریف کی ہیلتھ رپورٹ دیکھ کر شہباز شریف کی گفتگو سن کر اور زرداری کی آنیاں جانیاں دیکھ کر کر رہے ہیں۔

اعجازالحق نے مزید کہا کہ آپریشن فورتھ ٹائم پرائم منسٹر نظر آ رہا ہے، انتظامیہ کو احکامات دیے جا رہے ہیں کہ فلاں پارٹی کو سپورٹ کرو۔

انہوں نے کہا کہ اگر عوامی امنگوں کے مطابق الیکشن نہ ہوئے تو معاشی صورتحال وہاں چلی جائے گی جہاں سے نکلنا بڑا مشکل ہے۔