حکومت کا تحریک لبیک پاکستان سے مذاکرات کا فیصلہ

اسلام آباد :حکومت نے تحریک لبیک پاکستان سے مذاکرات کا فیصلہ کر لیا ہے، ٹی ایل پی کا وفد وزیر داخلہ سے اسلام آباد میں ملاقات کرے گا، حکومت کی طرف سے وزیر داخلہ رانا ثناء اللّٰہ کی سربراہی میں کمیٹی بات چیت کرے گی۔

حکومت کے ذرائع کا کہنا ہے کہ وزیراعظم نے ٹی ایل پی کے جائز مطالبات کو سننے کی ہدایت کی ہے، ٹی ایل پی کی قیادت میں کراچی سے اسلام آباد تک پاکستان بچاؤ لانگ مارچ تین ہفتوں سے جاری ہے جولاہور سے ہوتا ہوا گوجرانولہ پہنچ چکا ہے۔

وزیر داخلہ رانا ثناء اللہ کی سربراہی میں حکومتی کمیٹی تحریک لبیک پاکستان کی قیادت سے مل کر ان کے مطالبات کے حوالے سے بات چیت کرتے ہوئے مذاکرات کے ذریعے لانگ مارچ کو وفاقی دارالحکومت تک آنے سے روکنے کی کوشش کرے گی۔