آئی ایم ایف کاعمران خان کی گرفتاری پر بیان دینے سے گریز

اسلام آباد:بین الاقوامی مالیاتی فنڈ(آئی ایم ایف )نے پاکستان تحریک انصاف کے سربراہ عمران خان کی گرفتاری پر بیان دینے سے انکار کرتے ہوئے پاکستان سے قرض کی واپسی کے مربوط طریقہ کار پر اعتماد اور معاشی پالیسی پر عملدرآمد کی یقین دہانی مانگ لی ہے اور پا کستان سے سستا پیٹرول اسکیم شروع نہ کرنے کا مطالبہ کیا ہے۔

ملک کی صورتحال کے تناظر میںآ ئی ایم ایف کے ترجمان نے پاکستان کی صورتحال پر بین الاقوامی میڈیا سے گفتگو کرتے ہوئے کہا کہ پاکستان کے ساتھ قرض پروگرام پر بات چیت چل ہے، پاکستان کے ساتھ قرض پروگرام جون 2023میں م ہوجائے گا، موجودہ قرض پروگرام کے تحت پاکستان کو 2.6 ارب ڈالر دینے ہیں۔

ان کا کہنا ہے کہ پاکستان سے قرض کی واپسی کے مربوط طریقہ کار پر اعتماد اور معاشی پالیسی پر عملدرآمد کی یقین دہانی چاہتے ہیں، نویں جائزہ اجلاس کیلئے اسٹاف لیول معاہدہ آئی ایم ایف کا مقصد ہے۔

ترجمان نے مزید بتایا کہ پاکستان نے 2019 میں 6.7 ارب ڈالر کے قرض کا معاہدہ کیا تھا، پاکستان سے سستا پیٹرول اسکیم شروع نہ کرنے کا مطالبہ کیا ہے، پاکستان کی سستا پیٹرول اسکیم سبسڈی نہ دینے کے معاہدے سے انحراف ہوگا جبکہ بین الاقوامی فنڈ نے سابق وزیراعظم عمران خان کی کرپشن کیس میں گرفتاری پر بیان اور تبصرے سے انکار کردیا۔ ترجمان نے کہا کہ عمران خان کی گرفتاری پر کوئی بیان دینا نہیں چاہتے۔