انٹر بینک،ڈالر 283 روپے 50 پیسے کا ہو گیا

کراچی:امریکی ڈالر کی قدر میں ایک بار پھر اضافے کا سلسلہ جاری ہے، آج بھی کاروبار کے دوران انٹر بینک میں ڈالر مزید مہنگا ہوا ہے۔ جبکہ اسٹاک ایکسچینج میں آج بھی مثبت رجحان رہا ۔

انٹر بینک میں ڈالر 85 پیسے مہنگا ہونے کے بعد 283 روپے 50 پیسے کا ہو گیا۔

گزشتہ روز انٹر بینک میں ڈالر 282 روپے 65 پیسے پر بند ہوا تھا۔

دوسری جانب طاکستان اسٹاک ایکسچینج میں آج بھی کاروبار کا مثبت رجحان دیکھنے میں آ رہا ہے۔

پاکستان اسٹاک ایکسچینج کا 100 انڈیکس 135 پوائنٹس کے اضافے سے 52 ہزار 478 پر آ گیا۔

گزشتہ روز کاروبار کے اختتام پر 100 انڈیکس 52 ہزار 342 پوائنٹس پر بند ہوا تھا۔