دوران ڈیوٹی ٹک ٹاک ویڈیو بنانا لیڈی پولیس اہلکار کو مہنگا پڑ گیا

اسلام آباد: وفاقی پولیس کے شعبہ کاؤنٹر ٹیررازم میں تعینات لیڈی کانسٹیبل کی جانب سے دوران ڈیوٹی یونیفارم میں سوشل میڈیا پر سرکاری گاڑی استعمال کرتے ہوئے ویڈیو بنانے پر ملازمت سے برخاست کردیا گیا۔

پولیس ذرائع کے مطابق لیڈی کانسٹیبل مقدس کو ویڈیو سامنے آنے پر معطل کرکے انکوائری انسپکٹر ریسکیوون فائیو کو دی گئی تھی جن کی سفارش پرایس پی ڈولفن اینڈ ریسکیو میاں علی رضا نے انکوائری رپورٹ موصول ہونے پرخاتون کانسٹیبل کو ملازمت سے برخاست کردیا۔

رپورٹ میں انکوائری آفیسر نے قراردیا کہ لیڈی کانسٹیبل کی سرکاری ملازمت میں دلچسپی ختم ہوگئی ہے۔ انہوں نے اسے سنگین بدتمیزی کا قصور وار قرار دیکر ملازمت سے برخاست کرنے کی سفارش کی تھی۔