مقبول صدیقی کی والدہ انتقال کرگئیں

کنوینئر ایم کیو ایم خالد مقبول صدیقی کی والدہ انتقال کرگئیں۔ ایم کیو ایم کے ترجمان کے مطابق خالد مقبول صدیقی کی والدہ کی نمازجنازہ کل بعد نماز ظہر ادا کی جائے گی۔

ترجمان نے بتایا کہ نماز جنازہ مدنی مسجد فیڈرل بی ایریا بلاک 8 نزد جناح گراونڈ میں ادا کی جائے گی۔ مرحومہ کی تدفین یاسین آباد قبرستان میں ہوگی۔

نگراں وزیر اعلیٰ سندھ مقبول باقر نے کنوینر ایم کیوایم خالد مقبول صدیقی کی والدہ کے انتقال پر دکھ کا اظہار کیا۔

اپنے تعزیتی بیان میں وزیراعلیٰ سندھ نے مرحومہ کے درجات کی بلندی اور لواحقین کیلئے صبر جمیل کی دعا کی۔