آرمی چیف سے آذربائیجان کے چیف آف جنرل سٹاف کی ملاقات،دو طرفہ دفاعی و سکیورٹی تعاون پر تبادلہ خیال

اسلام آباد: پاک فوج کے سربراہ جنرل سید عاصم منیر سے آذربائیجان کے نائب وزیر دفاع اور چیف آف جنرل سٹاف کرنل جنرل کریم ولیئیف نے ملاقات کی۔ جس میں دو طرفہ دفاعی و سکیورٹی تعاون پر تبادلہ خیال کیا گیا

آئی ایس پی آر کے مطابق آرمی چیف جنرل عاصم منیر سے جمہوریہ آذربائیجان کے نائب وزیر دفاع اور آذربائیجان کی فوج کے چیف آف جنرل سٹاف کرنل جنرل کریم ولیئیف نے جنرل ہیڈکوارٹرز میں ملاقات کی۔

آئی ایس پی آر کے مطابق ملاقات کے دوران دو طرفہ دفاعی و سکیورٹی تعاون پر بات چیت کی گئی ، فوجی اور پیشہ ورانہ امور میں باہمی تعاون کو بڑھانے پر زور دیا گیا۔

جی ایچ کیو آمد پر آذربائیجان کے نائب وزیر دفاع نے شہدا کی یادگار پر حاضری دی اور پھولوں کی چادر بھی چڑھائی اور شہدا کو خراج تحسین پیش کیا۔

بعد ازاں وفد نے پاک فوج کی اعلیٰ قیادت سے میز پر بھی ملاقات کی۔