مریم نواز سے امریکی سفیر کی ملاقات ،طویل المدتی دوطرفہ تعلقات پر گفتگو

اسلام آباد:پاکستان میں امریکہ کے سفیر ڈونلڈ بلوم نے پاکستان مسلم لیگ (ن) کی سینیئر نائب صدر اور چیف آ رگنائزر مریم نواز شریف سے مری میں ان کی رہائش گاہ پر ملاقات کی۔

ملاقات کے دوران دونوں ممالک کے درمیان تاریخی، طویل المدتی دوطرفہ تعلقات کی اہمیت پر تبادلہ خیال کیا گیا ۔

ملاقات میں تجارت، معیشت، سلامتی، امن اور علاقائی استحکام سمیت باہمی تعاون کے فروغ کی اہمیت پر زور دیا۔

مریم نواز شریف نے کورونا وبا کے مشکل ترین حالات اور گزشتہ سال تباہ کن سیلاب کے دوران امریکی حکومت کی طرف سے سفیر ڈونلڈ بلوم کی کوششوں کو سراہا۔