چوہدری پرویز الہٰی کے خلاف جاری ایم پی او حکم واپس

اسلام آباد:ڈپٹی کمشنر اسلام آباد نے پاکستان تحریک انصاف کے صدر چوہدری پرویز الہٰی کے خلاف جاری ایم پی او حکم واپس لے لیا۔

اسلام آباد ہائیکورٹ میں سابق وزیراعلیٰ پنجاب چوہدری پرویز الٰہی کے ایم پی او آرڈر کیخلاف کیس کی سماعت ہوئی،جسٹس طارق محمود جہانگیری نے کیس کی سماعت کی۔

اس حوالے سے ڈی سی اسلام آباد نے اسلام آباد ہائی کورٹ کو آگاہ کیا کہ پرویز الٰہی کیخلاف جاری ایم پی او کا حکم واپس لے لیا جس پر عدالت نے مرکزی صدر پی ٹی آئی چوہدری پرویز الہٰی کی درخواست نمٹا دی۔

اسلام آباد ہائی کورٹ نے کہا کہ مزید جس ایف آئی آر میں گرفتار کیا ہے وہ نمبر لکھوا دیں۔

خیال رہے کہ عدالت نے پرویز الہٰی کو ایم پی او آرڈر معطل کر کے رہا کرنے کا حکم دیا تھا اور ڈی سی اسلام آباد کو آج ذاتی حیثیت میں طلب کر رکھا تھا۔