عدت میں نکاح کیس،بانی پی ٹی آئی، بشری بی بی کی فیصلے کے خلاف اپیل پر کوئی پیشرفت نہ ہوسکی

اسلام آباد:بانی تحریک انصاف اوران کی اہلیہ بشری بی بی کی عدت میں نکاح کیس کے فیصلے کے خلاف اپیل پر کوئی پیشرفت نہ ہوسکی۔جج کی رخصت کے باعث سماعت بغیر کاروائی کے ملتوی کر دی گئی۔

بانی پی ٹی آئی اور بشری بی بی کی دوران عدت کیس میں فیصلے کے خلاف اپیلوں پر سماعت ڈسٹرکٹ اینڈ سیشن کورٹ کے جج شاہ رخ ارجمند کی رخصت کے باعث بغیر کاروائی کے ملتوی کر دی گئی۔

جج شاہ رخ ارجمند عمرے کی ادائیگی کے لیے سعودی عرب میں ہیں۔ گزشتہ سماعت پر خاور مانیکا کے وکیل رضوان عباسی اعلیٰ عدلیہ میں مصروفیات کے باعث سماعت ملتوی کی گئی تھی کیس کی مزید سماعت چھ اپریل کو ہو گی۔