علی وزیر کی دہشت گردی مقدمہ کے اخراج کی درخواست پرفریقین کو نوٹس

اسلام آباد:اسلام آباد ہائی کورٹ نے سابق ایم این اے علی وزیر کی دہشت گردی کے مقدمے کے اخراج کی درخواست پر نوٹس جاری کرتے ہوئے جواب طلب کرلیا۔

اسلام آباد ہائی کورٹ کے جسٹس میاں گل حسن اورنگزیب نے علی وزیر کی درخواست پر سماعت کی۔

درخواست گزار کی جانب سے وکیل عطاء اللہ کنڈی عدالت میں پیش ہوئے اور کہا کہ ایک مقدمہ درج ہوا تو پندرہ منٹ بعد دہشت گردی کا الگ مقدمہ درج کرلیا گیا۔

وکیل عطاء اللہ کنڈی نے استدعا کی کہ علی وزیر کے خلاف دہشت گردی کا مقدمہ غیر قانونی ہے ، خارج کیا جائے۔

اسلام آباد ہائی کورٹ نے سیکرٹری داخلہ ، آئی جی اسلام آباد سمیت تمام فریقین کو نوٹس جاری کرتے ہوئے سماعت اگلے ہفتے تک ملتوی کردی۔