پنجاب کے لوگ مفت علاج کیلئے سندھ جاتے ہیں، پلوشہ خان

اسلام آباد:پیپلز پارٹی کی سینیٹر پلوشہ خان نے کہا ہے کہ پنجاب کے لوگ مفت علاج کے لیے سندھ جاتے ہیں۔

ن لیگی رہنما رانا ثناء اللّٰہ کی پریس کانفرنس پر ردعمل میں پی پی سینیٹر پلوشہ خان نے کہا کہ لاہور کی راگنی گانے والوں نے پنجاب میں این آئی سی وی ڈی جیسا اسپتال نہیں بنایا۔

انہوں نے کہا کہ پوچھنا تھا کہ لاہور کی راگنی گانے والوں نے کراچی جیسا لاہور میں ٹراما سینٹر کیوں نہیں بنایا؟

سینیٹر پلوشہ خان نے مزید کہا کہ سندھ میں جگر اور گردوں کا مفت علاج ہوتا ہے، پنجاب کے لوگ مفت علاج کےلیے سندھ جاتے ہیں۔

اُنہوں کہ سندھ کا تھر آج بجلی پیدا کر کے ملک کو روشن کر رہا ہے جبکہ پنجاب کاچولستان لاہور کی راگنی گانے والوں کے منہ پر طمانچہ ہے۔