وزیراعظم کا ہاکی ٹیم کے ہر کھلاڑی کے لئے 10،10 لاکھ روپے انعام کا اعلان

اسلام آباد:اذلان شاہ ہاکی ٹورنامنٹ میں شاندار کارکردگی وزیراعظم شہباز شریف نے ہرکھلاڑی کیلئے 10 ، 10 لاکھ روپے انعام کا اعلان کیا ہے۔

پرائم منسٹر یوتھ پروگرام کے چیئرمین رانا مشہود نے وزیراعظم کی طرف سے ہر کھلاڑی کو دس دس لاکھ روپے انعام کا اعلان کیا، رانا مشہود کے مطابق پندرہ مئی کو ہاکی کے پیٹرن انچیف وزیراعظم میاں شہبازشریف وزیر اعظم ہاؤس میں قومی ٹیم سے ملاقات کریں گے۔

قومی ہاکی ٹیم کی وطن واپسی پر علامہ اقبال ائرپورٹ پر چیئرمین وزیراعظم یوتھ پروگرام رانا مشہود، ہاکی اولمپئن خواجہ جنید، ایچ ای سی کے ڈائریکٹر سپورٹس جاوید میمن، سابق کپتان اختر رسول،شہباز سینئر اور ہاکی فیملی کی بڑی تعداد کھلاڑیوں کو خوش آمدید کہنے کے لیے موجود تھی۔