راجہ ریاض نے مسلم لیگ ن میں شمولیت اختیار کر لی

لندن:سابق اپوزیشن لیڈر قومی اسمبلی راجہ ریاض مسلم لیگ ن کے ہوگئے ۔

‏سابق ممبر قومی اسمبلی راجہ ریاض احمد نے قائد مسلم لیگ ن محمد نواز شریف اور صدر جماعت شہباز شریف سے لندن میں ملاقات کی ۔

راجہ ریاض احمد نے نواز شریف صاحب کی قیادت پر بھرپور اعتماد کا اظہار کیا۔ راجہ ریاض نے مسلم لیگ ن میں شمولیت اختیار کر لی۔

اس موقع پر سینیٹر اسحاق ڈار، میاں ناصر جنجوعہ، عطاءاللہ تارڑ، ملک احمد خان، اعظم نذیر تارڑ اور امجد پرویز بھی موجود تھے۔

راجہ ریاض اس سے قبل پاکستان پیپلزپارٹی اور پاکستان تحریکِ انصاف میں بھی رہ چکے ہیں۔

راجہ ریاض نے اپریل 2022میں تحریکِ انصاف کی قیادتِ سے اختلاف کرتے ہوئے فاروڈ بلاک بنایا اور قومی اسمبلی سے تحریکِ انصاف کے استعفوں کے بعد اپوزیشن لیڈر منتخب ہوگئے تھے۔