شاہین آفریدی اس وقت نئی گیند کے بہترین باؤلر ہیں،انگلش کرکٹر

لندن :انگلش کرکٹر ایلکس ہیلز نے فاسٹ بولر شاہین شاہ آفریدی کو نئے بال کا بہترین باؤلر قرار دے دیا۔

انٹرنیشنل لیگ(آئی ایل ٹی ٹوئنٹی ) کی فرنچائز ڈیزرٹ وائپر نے انگلینڈ کے کرکٹر ایلکس ہیلز کی ایک ویڈیو شیئر کی ہے جس میں ان کا کہنا ہے کہ پاکستان کے فاسٹ باؤلر شاہین آفریدی اس وقت نئی گیند کے بہترین باؤلر ہیں۔

ایلکس ہیلز نے کہا کہ 6 فٹ کی قامت ، بائی ہاتھ سے گیند کا پیس کے ساتھ سوئنگ ہونا دائیں ہاتھ کے بیٹرز کیلئے خوفناک ہے پاکستان سپر لیگ (پی ایس ایل) اور انٹرنیشنل کرکٹ میں شاہین کا سامنا کیا ہے،وہ بہترین کھلاڑی ہیں۔

انگلش کرکٹر نے آل راؤنڈر شاداب خان کی تعریف کرتے ہوئے کہا کہ شاداب خان بھی ایک مکمل کرکٹر ہیں شاداب جادوئی لیگ سپن کے ساتھ تیزی سے رنز بنانا بھی جانتے ہیں۔