شاہین آفریدی نے بھارتی اینکر کے لئے پیزا بے مزہ کر دیا

ممبئی :ایشیا کپ میں پاک بھارت ٹاکرے کی لائیو کوریج مختلف چینلز پر کی جارہی ہیں اور شائقین کرکٹ کو لمحہ بہ لمحہ اپ ڈیٹ دی جارہی ہیں۔

پاک بھارت میچ جیسے ہی شروع ہوا تو کپتان روہت شرما نے ابتدا میں دو چکے لگائے اور بھارتی اینکر اس پر خوشی محسوس کرتے ہوئے پیزا کھانے لگے۔

ویڈیو میں خاتون اینکر کہتی ہیں کہ 24 رنز ہوچکے ہیں، اینکر پیزا ہاتھ میں لے کر کہتے ہیں کہ مارو روہت لیکن اسی لمحے روہت شرما کو شاہین شاہ آفریدی کلین بولڈ کردیتے ہیں۔

روہت شرما کے آؤٹ ہوتے ہی اینکر کہتے ہیں کہ ختم کرو میں پیزا نہیں کھا رہا۔

بھارتی اینکر کی ویڈیو سوشل میڈیا پر تیزی سے وائرل ہورہی ہے اور صارفین کی جانب سے اس پر دلچسپ تبصرے بھی کیے جارہے ہیں۔

خیال رہے کہ ایشیا کپ کے اہم میچ میں بھارت نے پاکستان کو جیت کے لے 267 رنز کا ہدف دیا ہے ۔