ٹی 20 ، پاکستان کی نیوزی لینڈ کیخلاف بیٹنگ جاری

کرائسٹ چرچ:پاک نیوزی لینڈ پانچ میچوں کی سیریز کے چوتھے ٹی 20 میچ میں پاکستان کی نیوزی لینڈ کیخلاف بیٹنگ جاری ہے۔5 رنز کے مجموعی سکور پر پاکستان کی پہلی وکٹ گر گئی، جارح مزاج اوپنر بلے باز صائم ایوب محض ایک رنز بنا کر پویلین لوٹ گئے۔۔

پانچ میچوں کی سیریز کے چوتھے ٹی 20 میچ میں میزبان نیوزی لینڈ نے پاکستان کیخلاف ٹاس جیت کر فیلڈنگ کا فیصلہ کیا ہے۔

دونوں ٹیمیں کرائسٹ چرچ کے ہیگلے اوول کرکٹ گراوٴنڈ میں آمنے سامنے آئیں گی، سریز میں نیوزی لینڈ کو 0-3 کی فیصلہ کن برتری حاصل ہے، پاکستان کو سال کے دوسرے وائٹ واش سے بچنے کیلئے باقی دونوں میچ جیتنا ضروری ہیں۔

سیریز کے پہلے میچ میں نیوزی لینڈ نے پاکستان کو 46 رنز سے شکست دی تھی جبکہ دوسرے میچ میں بھی کیویز نے 21 رنز سے کامیابی حاصل کی تھی، تیسرے ٹی ٹوئٹنی میں پاکستان کو فن ایلن کی شاندار بیٹنگ کی وجہ سے 45 رنز سے شکست ہوئی تھی۔

کمزور باوٴلنگ اور ناکام بیٹنگ لائن کی وجہ سے چوتھے ٹی ٹوئنٹی میچ میں بھی پاکستان کے جیتنے کے امکانات بہت کم ہیں، ہار کی صورت میں قومی ٹیم سال کے دوسرے وائٹ واش کے انتہائی قریب پہنچ جائے گی، اس سے قبل پاکستانی ٹیم ٹیسٹ سیریز 0-3 سے ہاری تھی۔