وزارت قانون و انصاف نے خصوصی عدالتوں میں ججز کی تعیناتی کر دی

اسلام آباد: وزارت قانون و انصاف نے پنجاب کے مختلف اضلاع کی خصوصی عدالتوں میں ججز کی تعیناتی کر دی۔

وزارت قانون نے چار ججز کی تعیناتی کا نوٹیفکیشن بھی جاری کر دیا ہے۔

نوٹیفکیشن کے تحت ڈسٹرکٹ اینڈ سیشن جج امجد علی شاہ سپیشل جج سینٹرل راولپنڈی، ڈسٹرکٹ اینڈ سیشن جج محمد نعیم شیخ سپیشل جج سینٹرل گوجرانوالہ تعینات ہوگئے۔

ڈسٹرکٹ اینڈ سیشن جج رانا زاہد اقبال سپیشل جج سینٹرل فیصل آباد جبکہ ڈسٹرکٹ اینڈ سیشن جج تنویر احمد شیخ سپیشل جج سینٹرل لاہور تعینات کر دیئے گئے۔

وزارت قانون و انصاف کی جانب سے ججز کی تعیناتیاں ڈیپوٹیشن پر کی گئی ہیں۔