الیکشن مینجمنٹ سسٹم کے کا م نہ کرنے سے چلنے والی خبر گمراہ کن ہے، الیکشن کمیشن

اسلام آباد: الیکشن کمیشن آف پاکستان نے مختلف چینلز پر الیکشن مینجمنٹ سسٹم ای ایم ایس بابت چلنے والی نیوز کو گمراہ کن قرار دے دیا۔

ترجمان الیکشن کمیشن کے مطابق سسٹم کے کام نہ کرنے، فعال مکمل نہ کرنے کی خبر گمراہ کن ہے، ایسی کسی خبر میں کوئی صداقت نہیں یہ بے بنیاد اور پروپیگنڈہ ہے۔

ترجمان کے مطابق مختلف چینلز کی ای ایم ایس سسٹم بارے خبریں اور ٹکرز درست نہیں ہیں، ای ایم ایس سسٹم متعدد بار چیک ہوچکا،اس کی اہلیت پر کوئی شبہ نہیں ہے۔