پنجاب کے پی کے اسمبلی بحالی کیلئے دائر درخواست اعتراضات عائد

اسلام آباد:سپریم کورٹ میں پنجاب کے پی کے اسمبلی بحالی کیلئے دائر درخواست اعتراضات لگا کر واپس کر دی۔

رجسٹرار سپریم کورٹ نے پنجاب اور خیبرپختونخواہ کی اسمبلی بحالی کی درخواست اعتراضات لگاکر واپس کردی۔رجسٹرار آفس کی طرف سے لگائے اعتراضات میں کہا گیا ہے کہ وزیر اعظم، صدر مملکت، وزراء اعلی کو آرٹیکل 248 کے تحت فریق نہیں بنایا جا سکتا۔

درخواست میں عوامی مفاد عامہ یا بنیادی حقوق کی نشاندہی نہیں کی گئی، متعلقہ فورم کی بجائے براہ راست سپریم کورٹ رجوع کیا گیا، درخواست گزار کے اٹھائے گئے نکات اطمینان بخش نہیں۔

ناصر محمود نے دونوں اسمبلی کی بحالی کی درخواست سپریم کورٹ میں دائر کی تھی۔