نگران وزیراعظم کون ہوگا، اتحادی جماعتوں کا فائنل راؤنڈ کل سے شروع ہونے کا امکان

اسلام آباد:نگران وزیراعظم کون ہوگا، اتحادی جماعتوں کا فائنل راؤنڈ کل سے شروع ہونے کا امکان ہے۔

ذرائع کے مطابق نگران وزیراعظم کے لیے مختلف نام سامنے آنا شروع ہوگئے تاہم نگران وزیراعظم کے لیے اتحادی جماعتیں کسی ایک نام پر متفق نہ ہوسکیں۔

ذرائع کا کہنا ہے کہ شاہد خاقان عباسی اور جسٹس ر خلیل الرحمٰن رمدے کے نام بھی نگراں وزیراعظم کے لیے زیر غور ہیں۔

علاوہ ازیں فواد حسین فواد، جاوید ہاشمی، یعقوب ناصر اور میاں منشاء کا نام بھی زیر غورہے،۔

ذرائع کا کہنا ہے کہ حکومت کے گزشتہ رات ہونے والے اجلاس میں 5 ناموں پر اتفاق کیا گیا لیکن اتحادی جماعتوں کی جانب سے پارٹی قائدین کے ساتھ مشاورت کا وقت مانگا گیا تھا۔