سینیٹراسحاق ڈار کی چین کے خصوصی انتظامی یونٹ ہانگ کانگ کے چیف ایگزیکٹو سے ملاقات،معاشی تعاون ، سرمایہ کاری پر گفتگو

اسلام آباد:نائب وزیر اعظم اور وزیر خارجہ سینیٹرمحمد اسحاق ڈار انے چین کے خصوصی انتظامی یونٹ ہانگ کانگ کے چیف ایگزیکٹو سے ملاقات کی ۔جس میں محمد اسحاق ڈار نے عالمی ثالثی کونسل کے قیام پر ہانگ کانگ کے چیف ایگزیکٹو کو مبارکباد پیش کی۔
ترجمان دفتر خارجہ کے مطابق سینیٹراسحاق ڈار نے کہا کہ عالمی ثالثی اور مشرق و مغرب کو جوڑنے میں ہانگ کانگ کا کردار انتہائی اہم ہے۔ایک ملک دو نظام کے تحت ہانگ کانگ کی اقتصادی و سماجی ترقی متاثرکن ہے۔پاکستانی برادری ہانگ کانگ کی ترقی میں اہم کردار ادا کر رہی ہے۔
ترجمان دفتر خارجہ کے مطابق ملاقات میں معاشی تعاون اور سرمایہ کاری کے حوالےسے بات چیت ہوئی۔ ہانگ کانگ کے چیف ایکزیکٹو نے پاکستان کے ساتھ تعاون بڑھانے میں دلچسپی کا اظہار کیا۔