پاکستان کا طورخم میں فائرنگ، چترال میں دہشتگردانہ حملے پر افغانستان سے شدید احتجاج

اسلام آباد: طورخم میں بلا اشتعال فائرنگ اور چترال میں دہشت گردانہ حملے پر پاکستان نے افغانستان سے سخت احتجاج کیا ہے۔

ذرائع کے مطابق وزارت خارجہ حکام کی جانب سے افغان سفارتکار کو احتجاجی مراسلہ دیا گیا ہے، جس میں موقف اختیار کیا گیا ہے کہ افغانستان سے ہونے والی دہشت گردی خطے میں کسی کے مفاد میں نہیں۔

پاکستان نے احتجاجی مراسلے میں افغان حکام سے فی الفور واقعات کی تحقیقات اور آئندہ ایسے واقعات سے اجتناب پر زور دیا ہے۔