راولپنڈی: شمالی وزیرستان کے ضلع میران شاہ کے عام علاقے میں ایک گاڑی میں سوار خودکش بمبار نے خود کو دھماکے سے اڑا لیا۔ تین سیکیورٹی اہلکار شہید ہوگئے.
آئی ایس پی آر کے مطابق دھماکے کے نتیجے میں نائب صوبیدار صاحب خان ، نائیک محمد ابراہیم اور سپاہی جہانگیر خان شہید ہو گئے۔
آئی ایس پی آر کا کہنا ہے کہ واقعہ کے دوران تین بے گناہ شہری شدید زخمی ہوگئے. اءی ایس پی آر کے مطابق خودکش حملہ آور کا مقصد سیکیورٹی فورسز کی چوکی کو نشانہ بنانا تھا.تاہم ڈیوٹی پر موجود سپاہیوں کی جانب سے شبہ کی بنا پر خودکش حملہ آور کو بروقت پکڑنے سے بڑی تباہی ٹل گئی۔
آئی ایس پی آر کا کہنا ہے کہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں. ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
