سپریم کورٹ آف پاکستان نے پی ٹی آئی سینیٹر اعجاز چوہدری کی ضمانت منظور کرلی، عدالت نے اعجاز چوہدری کو ایک لاکھ روپے کے مچلکے ٹرائل کورٹ میں جمع کرانے کا حکم دے دیا ۔
جسٹس نعیم اختر افغان کی سربراہی میں تین رکنی بنچ نے کیس کی سماعت کی۔
پی ٹی آئی سینیٹر اعجاز چوہدری کے وکیل نے کہا اعجاز چوہدری 11 مئی 2023 سے گرفتار ہیں، سپیشل پراسیکیوٹر نے کہا اعجاز چوہدری نے لوگوں کو اکسایا اور سازش کا بھی حصہ رہے۔
جسٹس نعیم اختر افغان نے ریمارکس دیئے اعجاز چوہدری کیخلاف کیس اتنا ہی مضبوط تھا تو فوجی عدالت میں لے جاتے، ضمانت کو بطور سزا استعمال نہیں کیا جاسکتا۔
بعدازاں عدالت نے اعجاز چوہدری کی ضمانت منظور کرلی۔
